 |
Branch 251Syrian Atrocity Crimes on Trial Author: 75 Podcasts
Branch 251 takes you to the heart of the worlds first criminal trial dealing with atrocity crimes committed by Syrian officials. Now also in Arabic! Prosecutors in the German city of Koblenz accuse two alleged henchmen of the Syrian government of crimes against humanity committed at Branch 251 detention center near Damascus. Branch 251 gives you a biweekly update on the trial. With portraits of the main protagonists. Commentary, analysis, and testimony from the courtroom. Especially from victims and their families looking for justice. But will a German court in a city few people have heard of be able to deliver? Or are there too many obstacles looming on the horizon? Follow us on Twitter @Branch_251. Logo design by laurenshebly.nl -- Photo by James Lawler Duggan/AFP/Getty Images. Language: en Genres: News, News Commentary, True Crime Contact email: Get it Feed URL: Get it iTunes ID: Get it Trailer: |
Listen Now...
محاكمة جلّادي الدولة السورية
Episode 11
Monday, 12 August, 2024
في ربيع عام ٢٠٢٣، أصدرت الوكالة الفيدرالية للتربية المدنية والمركز الأوروبي للحقوق الدستورية وحقوق الإنسان كتاب ثلاثي اللغات بعنوان "محاكمة جلّادي الدولة السورية"، والذي ينظر ويلخص محاكمة "الخطيب" في كوبلنز/ المانيا. يضع الكتاب قصص التعذيب الذي مارسته الدولة السوريّة في سوريا وتأثيره في سياق تاريخي واجتماعي وقانونيحضر فريق "بودكاست الفرع 251" حفل الإطلاق، والتقى ببعض الضيوف بما في ذلك بعض المؤلفين، واحتفل مع الجمهور بإصدار الكتاب بثلاث لغاتفي هذه الحلقة الخاصة، نتأمل الكتاب بعد مرور عام على صدوره ونتحدث بالتفصيل عن إعداده مع رئيس الوكالة الفيدرالية للتربية المدنية، توماس كروجر، وكبير المستشارين القانونيين في المركز الأوروبي للحقوق الدستورية وحقوق الإنسان في برلين، باتريك كروكرروابط ومعلومات هامةالوكالة الفيدرالية للتربية المدنيةالمركز الأوروبي للحقوق الدستورية وحقوق الإنساننسخة عن الكتاب "محاكمة جلّادي الدولة السورية" تجدون نسخة رقمية منه باللغة العربية، الانجليزية، والألمانية أصوات بعض مؤلفي الكتاب التي تظهر في الحلقةماريانا كركوتليرُهام هواشمروة يونسخالد بركةنص الحلقةمحاكمة جلّادي الدولة السوريّةمقدمةنادين: اللي بتمنى أني شوفه بالكتاب هو انه التجارب الشخصية للناس تكون مدموجة بالتغطية تبع المحكمة لأنه التغطية تبع المحكمة غالبا بتكون تغطية نوعا ما تقنية أو باردة أو بعيدة عن الناس وبتحسسك أنه الشي اللي صار أو الموضوع طُرح بهي المحكمة ما بيشبهنا أو مانو موجود بالشارع بس نحن كل اليوم يعني ماشيين وفي حوالينا ناس ممكن تعرضوا لهذا النوع من الاعتقال أو هذا النوع من التعذيبخالد بركة (احد المؤلفين): هلأ الكتاب هو كثير مبادرة كثير كثير مهمة وكثير بشكر عليها الـ "اي سي سي اتش آر" حقيقة. لأنه كل دوكيومانت هلأ عم تنعمل إذا هي دوكيومانت قضائية ولا دوكيومانت فنية ولا شعر ولا أي نوع من أنواع الـ دوكيومانت اللي عم بصير هو الحرب السردية اللي كنت عم بحكي عنها قبل شوي. بتخيل هو كثير مهم لأنه عم يعطي وجهات نظر مختلفة لناس من السلك القضائي من الوسط الفني الأدبي ومن الضحايا ومن الناشطين فهو عم بكون مختلف عن اللي نسمعه بالعادة عن المحاكمماريانا كركوتلي (احدى المؤلفات): أنا برأيي ما في تغطية أصلا كافية، يعني قد ما كان في تغطية لازم يكون في تغطية أكثر. الشي اللي بضيفه هاد الكتاب من وجهة نظري هو تحليل الأفراد لكيف جرت هي النوع من المحاكمات وتحليلهن للإشكاليات يلي كانت موجودة بالمحاكمةسليم: اهلا فيكم بهالحلقة الخاصة من بودكاست "الفرع 251: جرائم سورية قيد المحاكمة"اسمي سليم سلامه، وانا كاتب ومنتج بودكاست.. بنقدملكم هالحلقة بعنوان: "محاكمة جلّادي الدولة السوريّة"، ويلي هو ايضا عنوان الكتاب يلي تم نشره بربيع 2023، والي اجتمع بكتابته عدد كبير من المؤلفين والمؤلفات؛ سوريين وغير سوريين، ليسردوا بطريقتهم الخاصة احداث محاكمة كوبلنز التاريخية، بالاضافة لتفاصيل عن تجاربهم الشخصيةخلال هالحلقة، رح نتحاور مع طرفين من ناشري ومنتجي الكتاب، ونسمع اصوات الضيوف الي كانوا موجودين ليلة اطلاقه. بالاضافة للعودة بالزمن لابرز الاحداث الي تعلقت بالمحاكمة الي امتدت على مدار سنتين بدايةسليم: قبل ما نرجع لل 2023، سنة اطلاق الكتاب، رح نرجع لل 2020، لانه الحديث عن هالعمل مش ممكن يبدأ من غير ما نراجع السياق الي تم نشره من خلاله.
