 |
Pola Retradio en Esperantonia komuna lingvomedio Author: Redakcia teamo: Barbara PIETRZAK / Gabriela KOSIARSKA / Milada SZWEDO / Maciej JASKOT / Krystyna GROCHOCKA / Tomasz MILLER / Sali ZAKIROV / Bruce CRISP
Pola RetRadio - nia komuna lingvomedio Language: eo-uy Genres: Education, Language Learning, Society & Culture Contact email: Get it Feed URL: Get it iTunes ID: Get it |
Listen Now...
E_elsendo el la 05.01.2026
Monday, 5 January, 2026
En la 1446-a E_elsendo el la 05.01.2026 ĉe www.pola-retradio.org: • En la unua E-elsendo de la 2026-a jaro la Redakcio deziras al ĉiuj aŭskultantoj kaj radioamikoj pacan, ĉiuspece prosperan kaj sukcesan Novan Jaron. • En la Trarigardo de la E-Gazetaro ni proponas kunfoliumi kun ni la 8/9-an kaj 10-an paperajn numerojn de „La Revuo Orienta”. Ni enrigardas la elektronikan version de la decembra „Novaĵoj Tamtamas” el Jokohamo, Ni citas el la sonversio de la decembra numero de „Tempo” de Kroata E-Ligo kaj fine ni ĵetas la rigardon al la ĵus veninta januara numero 2026 de „Ora Ĵurnalo” el Gotenburgo. • Komence post la Kalendara Folio kun historiaj eventoj, ligitaj kun la 5-a de januaro ni informas pri la komenco de la nova tradicio, ĉiusabata hisado de la Pola Flago super la Prezidenta Palaco en Varsovio kaj pri la morgaŭaj Epifaniaj Paradoj, kiuj moviĝos tra ĉirkaŭ unu mil polaj urboj, urbetoj kaj vilaĝoj. • En la kulturkronika rubriko ni parolas pri la novaranĝita Artgalerio de la Eŭropa Arto en Krakovo, pri ekspozicio kolektinta tolaĵojn de polaj artistoj aktivantaj en la t.n. Munkena Skolo. • En la E-komunuma segmento ni referencas al la Novjaraj Bondeziroj de UEA. Ilia plena teksto estas legebla ĉe https://uea.org/gk/1274a1. Ni informas pri la gajninto de la Premio Maertens 2026, Alekso Miller. Plena teksto legeblas ĉe: https://uea.org/gk/1275a1. • Hodiaŭ muzike akompanas nin Anna Osmakowicz en fragmento de la pola kristnaska kanto „Di’ naskiĝas”. La reta foto akompananta la programinformon rilatas al la morgaŭa festo de Tri Reĝoj. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.
